میرے وطن کے نوجواں از قانتہ تحریم

میرے وطن کے نوجواں
تو کھو گیا بتا کہاں
زمین خاک ہو گئی
تو جل رہا ہے آسماں
ھے راستوں کی گرد کیوں
تو منزلوں کا تھا نشاں
تو منظروں میں گم ہوا
سراب هے یہ کہکشاں
ضمیر کی صدائیں سن
نگر نگر بدی فغاں
نظر نظر بھٹک رہی
ہے التجا زباں زباں
تیرا عمل سوال ہے
تھا تو امیر -کارواں
تیرا عقیدہ کیا ہوا
ہے منتشر تیرا جہاں
تو پستیوں کا ہمقدم ؟
تو ذلتوں کا پاسباں ؟؟
کہاں پہ جا بسا ہے تو
کہاں تھا تیرا آشیاں؟ ؟
تو راستہ بھٹک گیا
ہے دربدر یہاں وہاں
اٹھا نظر کو دیکھ تو
جہان شہر بستیاں
پکارتی سنائی دیں
کے الامان الاماں
ستم کے پر نکل چکے
کہیں نہاں کہیں عیاں
بدی مزاج بن گئی
حیا کی سن لو سسکیاں
بزرگ محو - یاس ہیں
نہ باپ محترم نہ ماں
ہوس مفاد ظلم شر
نتجیتا ضرر رساں
چلن روش جو ہے روا
ہے حاصل -سفر زیاں
شعور و آگہی نبھا
تو چارہ گر ہو مہرباں
ہے قانتہ کی التجا
بدل دے اب مکاں زماں
قانتہ تحریم