کلام پیر نصیر الدین

وہ لوگ جو کہتے ہیں کرم انکا ہے محدود
ان لوگوں کی باتوں پہ نہ جا اور بھی کچھ مانگ

دے سکتے ہیں کیا کچھ کہ وہ کچھ دے نہیں سکتے
یہ بحث نہ کر ہوش میں آ اور بھی کچھ مانگ

سرکار کا در ہے در شاہاں تو نہیں ہے
جو مانگ لیا سو مانگ لیا اب اور بھی کچھ مانگ

اس در پہ یہ انجام ہوا حسن طلب کا
جھولی میری بھر بھر کہ کہا اور بھی کچھ مانگ

جھولی ہی میری تنگ تھی کیا مانگتا ان سے
وہ تو کہتے ہی رہے مانگ ذرا اور بھی کچھ مانگ

اب تنگی داماں پہ نہ جا اور بھی کچھ مانگ
ہیں آج وہ مائل بہ عطا اور بھی کچھ مانگ